Játtanin til raksturin av svimjihøllini í Runavík røkkur ikki árið út.

Ein framskriving hjá Runavíkar kommunu vísir, at tørvur er á 2,5 milliónum krónum afturat til teir seinastu fýra mánaðirnar av 2026.

Verður eykajáttanin latin, verður samlaða nettojáttanin til svimjihøllina 6,915 milliónir krónur. Kommunan metir, at hetta eisini er á leið tað, sum høllin fer at kosta í rakstri eitt heilt ár.

Fíggjarleiðarin hevur mælt til, at eykajáttanin verður fíggjað úr gjaldførinum. Málið var fyri býráðið í gjár.