Kina er nú eitt av sjey londum, sum keypa føroyskar fiskavørur fyri meira enn eina milliard krónur um árið. Tað vísa nýggju tølini hjá Hagstovu Føroya fyri tíðarskeiðið frá oktober 2025 til september 2026, samanborið við undanfarnu 12 mánaðirnar.
Kina stóð fyri størsta vøkstrinum á asiatiska marknaðinum. Síðani útflutningurin til Kina minkaði nógv í byrjanini av 2020, er hann vaksin úr umleið 20 milliónum krónum um mánaðin til nærum 110 milliónir krónur í miðal um mánaðin.
Laksur fyri knappa milliard meira
Samlaði føroyski vøruútflutningurin var nærum 14,4 milliardir krónur í uppgerðarárinum. Tað er ein góð milliard krónur meira enn í undanfarna skeiði. Fiskavøruútflutningurin vaks 10 prosent, svarandi til góðar 1,2 milliardir krónur.
Útflutningsvirðið á laksi vaks eina knappa milliard krónur, ella 16,3 prosent. Samstundis vórðu knøpp 18.000 tons meira av laksi útflutt. Fiskavøruútflutningurin til Russlands minkaði hinvegin 138 milliónir krónur.
Tølini vórðu kunngjørd í gjár, dagin fyri toppfundin millum leiðararnar í Kina, USA og Russlandi í Shenzhen.