Lægri ensku fótbóltsdeildirnar taka ikki atlit til altjóða landsliðssteðgir.

Ígjár mátti Grimsby fyri fyrstu ferð klára seg uttan David Geza Turi í dysti í útivølli í League Two móti Newport, ið er eitt av walisisku liðunum í enska ligakervinum.

Dysturin endaði við 2-1 sigri til Newport, ið skoraði tvey mál innanfyri 12 minuttir í seinna hálvleiki. Newport skoraði eisini triðja málið, tá Grimsby fekk minkað um munin við einum sjálvmáli.

Grimsby Town er nummar seks í deildini við 13 stigum. Fremst við 15 stigum eru Barnet, Cheltenham og Bristol Rovers, so kappingin er sera hørð og jøvn.

Grimsby Town má klára seg ein ligadyst aftrat uttan Geza. Komandi leygardag klokkan 15 kemur Shrewsbury á vitjan.