Ein maður fekk í nátt bøtur fyri tilsamans 4.000 krónur í einum og sama samskifti við løgregluna.
Sambært løgreglun byrjaði tað við, at maðurin vísti yvirvaldinum longutong. Tað fekk hann 1.500 krónur í bót fyri.
Hann endurtók síðani gerðina og fekk eina bót afturat upp á somu upphædd.
Tá maðurin heldur ikki vildi upplýsa, hvør hann var, fekk hann harumframt 1.000 krónur í bót. Sostatt komu tær tríggjar bøturnar upp á tilsamans 4.000 krónur.
Annars hevur løgreglan havt nakað at gera við rúsað fólk í nátt. Í onkrum føri legði hon uppí og skildi fólk sundur, áðrenn tað kom til hendurs. Meira varð ikki gjørt við tey málini.
