Løgreglan fekk í nátt fráboðan um stuldur úr einum kjallara í miðbýnum í Havn.

Sambært løgregluni hevði maðurin, sum býr á staðnum, varnast, at onkur hevði verið í kjallaranum og stolið 20–30 fløskur av whisky og rommi.

Maðurin ferðast ofta uttanlands og hevði keypt rúsdrekka heim við. Fløskurnar verða mettar at vera verdar umleið 500 krónur í miðal. Samlaða virðið á tí stolna verður tí mett til millum 10.000 og 15.000 krónur.

Kjallarin var ólæstur, og tí sluppu tjóvarnir lættliga inn.

Løgreglan kannar málið.