Almannamálaráðið og Hagstovan eru nú farin at kanna, hvussu nógv heimleys eru í Føroyum. Tað sigur Sólvit E. Nolsø, landsstýrismaður í almannamálum.
Hervør Pálsdóttir, løgtingskvinna fyri Tjóðveldi, hevur spurt landsstýrismannin í heilsumálum hvussu gongur at fáa greiði á, hvussu nógv heimleys eru í Føroyum.
Sólvit E. Nolsø sigur, at Hagstovan væntar at hava tey fyrstu tølini til taks nú í januar. Í hesum sambandi verður kannað, hvussu nógv heimleys gista á Herberginum, hjá Bláa Krossi, hjá Gloria í Klaksvík og í Kvinnuhúsinum.
Annars er eisini ætlanin at kanna, hvussu nógv heimleys liggja úti á berajólum og ongastaðni hava at vera og, hvussu nógvum heimleysum, Almannaverkið hevur fingið tak yvir høvdið.
