Tað vísir kanning, sum spyr.fo hevur gjørt fyri Miðlahúsið.
Upp á spurning »Er tað rætt at koppseta børn millum 5 og 11 ár?« svara 22 prosent av teimum spurdu, at tað er rætt. Men 40 prosent svara nei upp á spurningin. 38 prosent svara, at tey vita ikki.
Tað vísir, at tað bara er millum ein fimting og ein fjórðing av teimum spurdu, sum eru fyri hesi koppseting, sum nú verður gjørd í Sjúkrahúsverkinum.
Um tey spurdu verða býtt eftir samgonguflokkum og andstøðuflokkum, so er ikki serliga stórur munur. 22 prosent av teimum, sum atkvøða fyri samgonguflokkunum siga ja, og 23 prosent av teimum, sum atkvøða fyri andstøðuflokkunum.
Tey sum siga nei eru eitt sindur fleiri millum teirra, sum velja samgonguflokkarnar, 43 prosent, meðan talið er 37 prosent millum teirra, sum velja andstøðuflokkarnar.
Talvan sæst niðanfyri:

##med2##