AB hevur gjørt sáttmála við 22 ára gamla miðvallaran Elias Gilstón El Moustage. Hann hevur ikki spælt seinasta árið vegna skaða í hondini, men er nú komin so mikið fyri seg, at hann ætlar sær at spæla í 2024.
- Elias er ein orkuríkur miðvallari við góðum teknikki, ið vit meta sum ein spælara, ið fer at styrkja okkara lið. Miðvallarin er uppvaksin í Danmark og hevur foreldur úr ávikavist Føroyum og Marokko. Elias spældi við EB/Streymi í 2021 og 22, og eisini hevur hann spælt heili 30 landsdystir við ymsu ungdómslandsliðumum hjá Føroyum, skrivar AB.
Elias Gilstón El Moustage var við á U17-landsliðnum, sum í 2017 vann seg til EM-endaspælið í Kroatia. AB boðar frá, at miðvallarin fær 8-talið á ryggin. Nýggjur venjari hjá AB er Øssur Hansen.
