Seinnapartin var føroyingauppgerð í næstbestu donsku hondbóltsdeildini í Odder, tá Odder við Leivi Mortensen á liðnum tók móti oddaliðnum, HØJ við Róa Berg Hansen á liðnum.
Tak gekk persónliga væl hjá bæði Leivi og hjá Róa, ið skutu fimm mál hvør.
Odder var betra liðið í fyrra hálvleiki, og í steðginum var Odder á odda 18-14.
Í seinna hálvleiki vísti HØJ hví teir eru oddalið, og teir vóru greitt omaná í seinna hálvleiki og vunnu dystin 35-31. HØJ vann sostatt seinna hálvleik við 21-13.
HØJ er oddalið við 16 stigum. Sydhavsøerne og Midtjylland hava 14 stig hvør.
Odder liggur á einum níggjunda plássi við seks stigum.
Leygardagin 13. november verður føroyingauppgerð í Tønder millum liðið hjá Sjúrði Olsen og Teis Horn Rasmussen, Tønder og Odder.
Sama dag tekur HØJ á heimavølli móti Skovbakken, ið vann 32-31 (17-18) á Ajax, ið ikki hevði Brand Halgirsson við á liðnum í dag.
