Tríggir dystir vóru leiktir í SMS-deildini seinnapartin í dag.
Í høllini á Hálsi í Havn var grannauppgerð millum Neistan og Kyndil. Neistakvinnur vunnu 29-27. Talan er um fyrsta tapið hjá kyndilskvinnum hetta kappingarárið.
Í steðginum var støðan javnleikur 15-15. Liðini fylgdust til støðuna 23-23. Tá kom Neistin framum 26-23, og neistakvinnur sleptu ikki leiðsluni aftur. Tá tríggir minuttir vóru eftir var Neistin á odda 29-24. Kyndil slapp at pynta um við trimum málum ta seinastu løtuna.
Í Hoyvíkshøllini vann H71 stórsigur 42-22 á StÍF. Í steðginum var H71 á odda 22-12. H71 er nú einsamalt oddalið við 15 stigum.
Í høllini á Eiði vann VÍF 36-29 á EB. Í steðginum var VÍF á odda 14-9.
HER er dómaraseðilin hjá hsf.fo frá dystinum Neistin-Kyndil 29-27 (15-15)
HER er dómaraseðilin hjá hsf.fo frá dystinum H71-StÍF 42-22 (22-12)
HER er dómaraseðilin hjá hsf.fo frá dystinum EB-VÍF 29-36 (9-14)
