Um Kjartan Johansen ikki hevði verið skaddur, so hevði verið ein føroyingauppgerð í norsku steypakappingini í dag.

Teis Horn Rasmussen og liðfelagarnir í Follo, ið spæla í næstbestu deildini tóku í dag móti liðnum hjá Kjartani Johansen, Bækkelaget. Kjartan er tó uttanfyri enn við skaða.

Tað endaði við einum sera teprum 28-27 sigri til Bækkelaget, ið var á odda 17-14 í steðginum. John Viktor Hedin skoraði sigursmálið til 28-27 til Bækkelaget, tá bert trý sekund vóru eftir av dystinum, og Teis og liðfelagarnir náddu ikki at fara í álop aftur.

Teis skoraði trý mál fyri Follo í dag, tók nógv tøk í verjuni, og hann var valdur til dagsins leikara í dystinum. 

Mikukvøldið spælir Follo heimadyst í næstbestu deildini móti Bergen.