info
Ongi úrslit

Veljarakanning: Stórt skrædl hjá Fólkaflokkinum

Veljarin er so ónøgdur við orrustuna í Fólkaflokkinum, at flokkurin minkar niður í helvt – og samgongan fær ein syngjandi lúsing í feskari veljarakanning

Eirikur Lindenskov
7. januar 2022 kl. 08:13

Ringa støðan hjá Sambandsflokkinum stendur við í seinastu veljarakanningini, sum spyr.fo hevur gjørt fyri Miðlahúsið. Men enn verri er støðan hjá Fólkaflokkinum, sum sambært kanningini hevði mist helmingin av tingmanningini, um løgtingsval var í dag.
Kanningin vísir, at Fólkaflokkurin hevði fingið 13,3 av atkvøðunum í mun til 24,5 prosent á seinasta løgtingsvali, sum er ein afturgongd upp á 11,3 prosentstig. Tað hevði givið Fólkaflokkinum 4 tingfólk í mun til 8 á seinasta løgtingsvali. 
Sambandsflokkurin hevur eisini stóra afturgongd sambært kanningini. Flokkurin hevði fingið 16,3 prosent, sum er ein afturgongd upp á 4 prosentstig í mun til seinasta løgtingsval, tá flokkurin fekk 20,3 prosent.
Stóri vinnarin í kanningini er Javnaðarflokkurin, sum fær 32,1 prosent. Tað er ein framgong upp á 10 prosentstig, og tað hevði givið Javnaðarflokkinum 11 tingfólk í mun til 7, sum flokkurin fekk á seinasta løgtingsvali. Tað er ein framgongd upp á 4 tingfólk.
Sjálvstýrisflokkurin er hesaferð rímuliga tryggur oman fyri sperrumarkið. Hann fær í kanningini 3,7 prosent, sum er ein framgongd upp á 0,3 prosentstig í mun til seinasta løgtingsval. Flokkurin varðveitir sín eina tingsess.
Tjóðveldisflokkurin fær í kanningini 20,1 prosent, sum er ein framgongd upp á 2 prosentstig, og tað gevur flokkinum 7 tingsessir, ein meira enn á seinasta løgtingsvali.
Framsókn hevur stóra framgongd í kanningin og meira enn tvífaldast í stødd. Flokkurin fær 9,9 prosent í mun til 4,6 prosent á seinasta løgtingsvali. Tað er ein framgongd upp á 5,3 prosentstig, sum gevur flokkinum ein tingsess aftur, so flokkurin fær 3 tingsessir.
Miðflokkurin hevur afturgongd í kanningini upp á 0,8 prosentstig og fer úr 5,4 niður í 4,6, sum tó ikki broytir tingmannatalið hjá flokkinum, sum fær tveir tingsessir.
Úrslitið av veljarakanningini er ein knúsandi ósigur til samgonguna, sum bara fær 11 tingsessir í mun til 17 á seinasta løgtingsvali. Ein afturgongd upp á 6 tingsessir.
Andstøðan fær í kanningini 22 tingsessir. Tað merkir, at sambært kanningini fáa andstøðuflokkarnir tvífalt so nógvar tingsessir, sum samgonguflokkarnir.

Myndin er ikki tøk

Mest lisið hesa vikuna

Landsstýrið black­list­ar 16 bygdi­r og bý­ir í Føroyum

18. november kl. 10:11

Svøríki: Byrjaði at eta seg sjálvan

18. november kl. 14:27

Eldur í á skipasmiðjuni á Skála

18. november kl. 18:14

Nøkur orð um skyldmannin Allan Enghamar

15. november kl. 17:35

Roykur rekur móti bygdini á Skála

18. november kl. 19:26

Sosialurin hevur nú sítt egna »Tíðarrit«

15. november kl. 17:38

Fleiri tíðindi

Fótbóltur

Næstsíðstu dyst­ir hjá før­oy­inga­liðu­num í kapp­ingar­ári­num

5 tímar síðan
Hondbóltur

SMS: VÍF vann á H71 í Hoyvíkshøllini

6 tímar síðan
Tíðindi

Ætla at gera føroyskan ræðufilm fyri 15 milliónir krónur

7 tímar síðan
Tíðindi

NATO: Vit fara at verja hvønn einasta metur av Póllandi

8 tímar síðan
Tíðindi

Ummæli: Faderhuset

8 tímar síðan
Tíðindi

Tí eru klementinurnar mislittar

8 tímar síðan
Tíðindi

Vánaligur seinni hálvleikur gjørdist dýrur hjá KA/Þór

9 tímar síðan
Fótbóltur

Mjällby leikti javnt og Västerås tapti

9 tímar síðan
Hondbóltur

Myndir: Kyndil vann 27-22 móti StíF

9 tímar síðan
Tíðindi

Stórt telduálop legði íslendskar vevtænastur lamnar

10 tímar síðan
Hondbóltur

Myndir: H71 - KPR Ostrovia Ostrów

10 tímar síðan
Hondbóltur

SMS: Stjørnan vann á EB og Kyndil vann á StÍF

10 tímar síðan