Fyri níggjundi ferð í søguni er Noreg evropameistari í kvinnuhondbólti. Noreg hevur í søguni eisini fýra HM-gull og tvey olympisk gull, so talan er um 15. meistaraheitið hjá norsku kvinnunum.
Noreg var á knøunum í finaluni móti Danmark, men tær reistu seg seinastu løtuna. Royndirnar frá mongu finalunum tær hava verið í vóru avgerandi móti donsku kvinnunum, ið vóru í sínari fyrstu endaspælsfinalu í 18 ár.
Danmark var á odda 15-12 í steðginum. Tað gingu 53 minuttir áðrenn Noreg kom á odda fyrstu ferð, men eftir tað sleptu tær norsku kvinnurnar ikki leiðsluni.
Danmark – Noreg 25-27 (15-12)
Danmark : Louise Burgaard 6, Emma Cecilie Friis 5, Trine Østergaard 3, Simone Petersen 2, Mie Højlund 2, Rikke Iversen 2, Mette Tranborg 2, Kristina Jørgensen 1, Kathrine Heindahl 1, Michala Møller 1.
Noreg : Nora Mørk 8, Kristine Breistøl 4, Maren Aardahl 3, Vilde Ingstad 3, Henny Ella Reistad 3, Stine Oftedal 3, Malin Larsen 2, Sunniva Næs 1.
