Enska útbúgvingarmálaráðfrúan Bridget Phillipson hevði boðið føroyska landsstýrismanninum við. Hetta er fyrstu ferð, at Føroyar hava verið umboðaðar á ráðstevnuni, sum í ár varð hildin fyri 22. ferð.
Talan er um heimsins størstu ráðstevnu fyri útbúgvingarmálaráðharrar, har 125 ráðharrar og umboð úr 135 londum luttóku. Nobelvinnarin og stríðskvinnan fyri rættinum til útbúgving, Malala Yousafzai, setti ráðstevnuna.
Á ráðstevnuni varð tosað um týdningin av útbúgving og um, hvussu lond kunnu læra av hvørjum øðrum. Tað, sum serliga fylti nógv í ár, var vitlíki. Nógv lond eru ótrygg við, hvussu henda nýggja tøknin fer at ávirka skúlar og komandi ættarlið. Samstundis eru nøkur lond komin longri við at brúka vitlíki í undirvísingini. Dentur varð lagdur á, at lærarar mugu hava neyðugu førleikarnar til nýggju avbjóðingarnar. Fleiri stórar tøknifyritøkur vóru eisini við og greiddu frá, hvussu vitlíki kann brúkast í undirvísingarhøpi.
##med2##
Mynd: Bridget Phillipson, útbúgvingarmálaráðfrúa í Onglandi og Báður á Lakjuni
Landsstýrismaðurin hevði eisini høvi at hitta fleiri starvsfelagar, millum annað Bridget Phillipson úr Onglandi, Baroness Smith of Marvern, sum er ráðfrúa fyri yrkisútbúgvingar í Onglandi, og Paul Givan, útbúgvingarmálaráðharra í Norðurírlandi.
##med3##
Mynd: Bárður á Lakjuni og Baroness Smith of Marvern, ráðfrúa fyri yrkisútbúgvingar í Onglandi
##med4##
Mynd: Bárður á Lakjuni og Paul Givan, útbúgvingarmálaráðharri í Norðurírlandi
