Í Hoyvíkshøllini var grannauppgerð millum H71 og Kyndil.

H71 vann dystin 34-28. Í steðginum var støðan javnleikur 16-16. Tá 46 minuttir vóru leiktir var støðan javnleikur 25-25, men seinastu løtuna var H71 greitt omaná.

Boas Ellefsen á Skipagøtu er ikki til at steðga. Í dag var hann aftur stórskjútti hjá H71. Hesaferð gjørdist talan um 14 mál. Erling Erlendsson og Tobias Thisen vóru við fimm málum hvør toppskjúttar hjá Kyndli.

Í høllini á Eiði tryggjaði EB sær annan sigurin á rað. Í dag gjørdist talan um 34-31 sigur á StÍF. Í steðginum vóru eiðismenn á odda 15-12.

Við heili 16 málum var Gilli Reginsson stórskjútti hjá EB. Hann var bert eitt mál frá at skjóta helvtina av málunum hjá heimaliðnum. Við sjey málum gjørdist Pætur Johansen toppskjútti hjá StÍF.

H71 er fremst í deildini við átta stigum. VÍF og Neistin hava seks stig hvør. Kyndil, KÍF og EB hava fýra stig hvør. StíF og Team Klaksvík hava enn fyrsta stigið til góðar í kappingini.

HER ber til frá HSF at síggja dómaraseðlarnir frá dagsins dystum í Burn Mansdeildini: