Hákun West av Teigum og liðfelagarnir í Füchse Berlin eru í hesum døgum staddir í Egyptalandi fyri at kappast í HM-endaspælinum fyri felagslið.

Seinnapartin spældi Füchse Berlin dyst móti hinum sterka liðnum í innleiðandi bólki B, Veszprem úr Ungarn.

Füchse Berlin tapti tepurt 33-34 fyri Veszprem. Hákun skoraði til støðuna 33-32 til Füchse Berlin, tá 110 sekund vóru eftir av dystinum. Men seinastu løtuna megnaði ungarska liðið at skjóta tvey mál uttan, at Füchse Berlin megnaði at svara aftur. Í steðginum var Füchse Berlin á odda 19-16.

Hákun skoraði fýra mál upp á sjey málroyndir, og hann legði upp til eitt mál.

Veszprem hevur fýra stig, Füchse Berlin hevur tvey stig, vertirnir, Al-Ahly og Burgan úr Kuveit hava einki stig. Dysturin millum tey bæði liðini byrjaði klokkan 18.

Týskvøldið klokkan spælir Füchse Berlin seinasta bólkadystin móti Al-Ahly. Sama dag klokkan 15.45 spælir Veszprem móti Burgan.