Elias Ellefsen á Skipagøtu og liðfelagarnir í THW Kiel mátti í kvøld gjøgnum alla kensluskrásetingina í 117. grannauppgerðini millum THW Kiel og Flensburg-Handewitt.
Kiel hevði longi tamarhald á dystinum í Wonderino Arena í Kiel. Í steðginum var heimaliðið á odda 18-14, og tá fáir minuttir vóru eftir vóru teir á odda 30-25.
Men Flensburg hevði ein góðan endaspurt, og teir javnaðu til støðuna 31-31.
Men í allarseinasta sekundinum helt heimafjøldin, at Julian Köster hevði skorað sigursmálið til 32-31 til Kiel, men VAR kolldømdi málið.
Elias var á vøllinum í 10 minuttir í kvøld, og hann skoraði eitt mál upp á tvær málroyndir.
THW Kiel og Flensburg-Handewitt eru fremst í týsku Bundesliguni við 11 stigum hvør. Tey hava bara mist eitt stig, og tað stigið mistu liðini í kvøld.
