Talan er um partar av matrikklunum 42i, 200a og 200e í Kirkjubøar sókn á Argjum.

Býráðið samtykti uppskotið á fundi seinasta hósdag, 17. september.

Broytingin merkir, at partar av matrikklunum 42i og 200e verða fluttir úr øki, sum er ætlað stakhúsum, í øki, sum er ætlað almennum endamálum, náttúrufriðing og mentanarligum endamálum.

Samstundis verður ein partur av matrikkli 200a broyttur hinvegin – frá almennum øki til øki ætlað stakhúsum.

Í byggisamtyktini er A1 øki ætlað stakhúsum, meðan D1 er øki ætlað almenninginum, náttúrufriðingar- og mentanarligum endamálum.

Tilfarið um broytingina liggur frammi í Snarskivuni frá 21. september til 2. november.

Møgulig mótmæli ella uppskot til broytingar skulu vera Tórshavnar kommunu í hendi í seinasta lagi 2. november, skrivar Tórshavnar kommuna.