Emil Lisberg Jacobsen takkar nú fyri seg sum ábyrgdarblaðstjóri á Dimmalætting, og hann fer úr blaðstjórasessinum 1. apríl. Hetta skrivar Dimmalætting á dimma.fo. Emil L. Jacobsen tók setti seg í ábyrgdarblaðstjórasessin í fjørsummar. - Eg hevði mín fyrsta arbeiðsdag á Dimmalætting í august 1995, og nú skjótt 25 ár seinni kenni eg á mær, at um eg skal royna nakað annað, er tíðin nú komin, sigur Emil Lisberg Jacobsen við Dimmalætting. Í stóru broytingunum í føroyska miðlalandslagnum seinastu 30 árini fór Dimmalætting frá at vera størsta tíðindablað í Føroyum, til at fara av knóranum. Í 2014 var Emil L. jacobsen millum teirra, sum tóku stig til at geva Dimmalætting út aftur.