Maria P. Nólsoy og liðfelagarnir í Keypmannahavn spældu í kvøld dyst á útivølli í bestu donsku hondbóltsdeildini.
Í JYSK Arena í Silkeborg eydnaðist tað Keypmannahavn at vinna 33-31 á Silkeborg-Voel. Í steðginum var Keypmannahavn á odda 16-13.
Maria syrgdi fyri 11 málstigum. Hon skoraði fýra mál upp á sjey málroyndir, og so legði hon upp til sjey mál. Maria vann eisini liðnum tvey brotskøst.
Keypmannahavn er triðfremst í deildini við átta stigum fyri fimm dystir.
Í morgin klokkan 13 spæla Rakul Wardum og liðfelagarnir í Skanderborg dyst á heimavølli móti HØJ.
