Gosfjallið Vesuvius sæst mitt á myndini, og vestanfyri liggja oyggjarnar Capri, Ischia og Procida. Sunnanfyri sæst fjallalenda Sorrentohálvoyggin.

Myndin er tikin við einum av Sentinel-1-radarfylgisveinunum hjá evropeisku Copernicus-skránni og er vald til dagsins mynd 2. oktober.

Campania er kent fyri vakra strandarlandslagið og fornminnini. Høvuðsbýurin í økinum, Napoli, liggur millum Vesuvius og Napolivíkina. Á sunnaru síðuni á Sorrentohálvoynni liggur umleið 50 kilometrar langa Amalfistrondin við brøttum bergi og smáum strondum.

Á radarmyndini hava litirnir eina serliga merking. Ljósagrønu økini vísa yvirflatur, har jørðin er fjald undir betongi ella øðrum tøttum tilfari, sum forðar vatni at seyra niður í lendið.

Sentinel-1-fylgisveinarnir kunnu savna radardátur í øllum veðri. Upplýsingarnar verða millum annað brúktar til at kanna broytingar í lendisnýtslu, máta rørslur í jørðini og fylgja við, hvussu strendur máast burtur.

Sambært Copernicus kunnu slíkar kanningar hjálpa myndugleikum at fyribyrgja avleiðingum av náttúruvanlukkum og verja umhvørvið.

Kelda: Copernicus / ES.