Kvinnurnar hjá VÍF gjørdu H71 og Neistanum kunstin eftir, og vunnu seg trygt víðari til triðja umfarið í European Cup.
Í dag vann VÍF aftur 11-málssigur á Ferizaj úr Kosovo.
Í fyrra hálvleiki slapp Ferizaj at spæla við, og var støðan javnleikur 11-11 í steðginum. Í seinna hálvleiki var VÍF greitt omaná, og vestmannakvinnur vunnu at enda 28-17.
Fyrri dysturin endaði 34-23 (18-12) til VÍF. Vestmannakvinnur vunnu sostatt ein samlaðan greiðan 62-40 sigur á Ferizaj.
Málskjúttar: Ingibjørg Olsen 8/11, Durita C. Jojic 5/7, Rakul B. Joensen 4/10, Bára í Innistovu 3/5, Agnas Funn 2/2, Halla Haldansen 2/3, Lív S. Poulsen 2/5, Sára Lagos 1/1, Martha R. Thorsen 1/1.
Bjargingar: Frederikke de Sparra Rasmussen 7/10, Vivian Petersen 7/20.
