Hann var millum stovnararnar av tveimum av stóru tónleikabólkunum í Danmark, nevniliga Tøsedrengene og Danser med Drenge.

Fyrradagin bórust boðini, at danski tónleikarin Klaus Kjellerup var deyður.

Danskir miðlar, og tónleikarar, minnast hann sum tónleikara við góðum gávum.

Kjellerup hevði ætlanir um at gevast við at fara á tónleikaferð við Danser med Drenge, tá 2027 fór aftur um bak. Tá hevði hann eisini havt 50 ár á baki sum tónleikari.

Við Danser med Drenge skrivaði Kjellerup nógvar kendar sangir, t.d. Er der nogen i himlen.

Í 1978 var hann við til at stovna Tøsedrengene, ið skjótt taldist millum stóru tónleikanøvnini árini, ið komu eftir stovnanina. Bólkurin er kendur fyri løg sum til dømis Sig du kann li’ mig og Indianer.

Tøsedrengene vitjaði í Føroyum fyrst í áttatiárunum.

Klaus Kjellerup gjørdist 72 ár.