Síðani kappingarárið 1999 hevur Uni Arge átt eitt serligt føroyskt met í íslendskum fótbólti.

Kappingarárið í 1999 skoraði Uni átta mál fyri Leiftur, og til í dag var tað eingin føroyskur leikari, ið hevði skorað meir enn átta mál í einum kappingarári í bestu íslendsku fótbóltsdeildini.

Í dag tók Patrik Johannesen metið, tá Patrik og liðfelagarnir vunnu týðandi 3-2 sigur á Akranesi á heimavølli. Tíverri slapp Kaj Leo í Bartalsstovu ikki á vøllin fyri Akranes á hesum sinni.

Beint undan steðginum meddaði Patrik eitt brotsspark mitt í málið hjá Akranesi, og Keflavík fór til steðgin við einari 2-1 leiðslu.

Málið er tað níggjunda málið hjá Patriki hetta kappingarárið, og so nógv mál hevur eingin annar føroyingur skotið í bestu íslendsku fótbóltsdeildini í einum kappingarári.

Keflavík 3 - 2 Akranes
0-1 Benedikt V. Warén ('18 )
1-1 Kian Paul James Williams ('28 )
2-1 Patrik Johannesen ('45 , brotsspark)
2-2 Johannes Björn Vall ('54 )
3-2 Josep Arthur Gibbs ('64 )

Við sigrinum og fýra dystum eftir í niðara endaspælinum liggur Keflavík væl fyri at bjarga plássinum í deildini.

Støðan í niðara endaspælinum: