Liðið hjá Janu Mittún, Viborg vann seg trygt víðari í sekstandapartsfinalunum í EHF European League.
Seinni dysturin móti serbiska liðnum, ZRK Naisa Nis í BIO Circ høllini í Viborg endaði eisini við einum greiðum sigri.
Viborg vann í dag 28-16 á serbiska liðnum . Í steðginum var støðan 15-6 til Viborg.
Viborg vann fyrra dystin 28-19 (18-12), og vann sostatt ein samantaldan greiðan 56-35 sigur á Naisa Nis.
Jana skoraði tvey mál upp á tríggjar málroyndir, og hon legði upp til eitt mál. Í fyrra dystinum skoraði Jana eitt mál og legði upp til eitt mál.
