Ungarn undirstrikaði fyrr í dag við feitari skrift hví teir eru favorittar til at vinna EM-undanbólk 4, har mótstøðuliðini eru Føroyar, Montenegro og Kosovo.
Í dag vunnu teir á útivølli stórsigur 34-20 á Kosovo. Í steðginum var Ungarn á odda 17-12.
Bence Krakovszki var toppskjútti hjá Ungarn við 10 málum. Laszlo Bartucz í ungarska málinum bjargaði 14 av 33 málroyndum.
Vit fáa vitjan av Ungarn í høllini við Tjarnir 10. mars. Tað verður spennandi at síggja um Ungarn verður fyrsta liðið, ið vinnur ein kappingardyst á Føroyum í høllini við Tjarnir, ella um okkara halda heimaskansan aftur tá.
