Gunnar Vatnhamar spældi allan dystin, tá hann og liðfelagarnir í Vejle hildu fast í uppflytingarkósini í næstbestu donsku fótbóltsdeildini.
Á útivølli á Aalborg Portland Park vøllinum eydnaðist tað Vejle at vinna 1-0 á AaB. Í 17. minutti skoraði Mikkel Duelund sigursmálið við einum dreymahøggi.
Gunnar fær góð ummæli fyri sítt leikliga avrik í dag. Frá Flashscore fær hann karakterin: 7,4 og frá Sofascore fær hann 7,0 (av 10 møguligum).
Vejle er næstfremst í deildini - og sostatt á einum uppflytingarplássi - við 22 stigum. Fremst í deildini er Hvidovre við 24 stigum. Vejle er fimm stig frammanfyri FC Fredericia, ið liggur á triðja plássinum.
Komandi leygardag klokkan 17.30 hevur Vejle dyst á heimavølli móti Aarhus Fremad.
