Ukrainski forsetin, Volodymyr Zelenskyj, sigur við NBC-sendingina "Meet the Press", at tað verður eitt søguligt mistak, um USA velur at stuðla Putin í krígnum móti Ukraina.
- Eg vóni, at hann fer at broyta støðu, tí eg haldi, at alt hetta er eitt mistak. Hetta fer ikki at hjálpa okkum, og hetta fer ikki at hjálpa USA, sigur forsetin.
Útsøgnin hjá ukrainska forsetanum kemur, eftir at Donald Trump steðgaði amerikansku revsitiltøkumum móti russiskari olju og gassi.
Volodymyr Zelenskyj nevndi eisini sín illgruna um, at amerikanska stjórnin stóð aftanfyri avgerðina hjá SpaceX um at avmarka ukrainsku nýtsluna av Starlink.
- Starlink var blokerað í eina tíð, men síðan varð blokeringin tikin burtur aftur, og tað eru vit sera takksom fyri, sigur ukrainski forsetin í samrøðu við NBC.
