Tolin trívst. Tað varð enn einaferð staðfest í vánaligu fótbóltslíkindunum í Runavík í dag. Sum seinni hálvleikur leið, sá tað út til, at 07 Vestur fekk alt betri tak á. NSÍ var meiri á bóltinum, sum fyri tað mesta var á vágahálvuni, men tað tað fyri seg eftir treytunum hjá gestunum.
07 Vestur helt tørn, inntil tað restaðu 10 minuttir, og hóast talan var um onkrar spennandi støður, so megnaði NSÍ ikki so ofta at vinna seg til upplagdar málmøguleikar.
Og so var tað sjey minuttir undan leikloki, at NSÍ skoraði 1-0 sigursmálið, sum ivaleyst ber við sær, at NSÍ verður føroyameistari.
12 minuttir undan leikloki varð Aron Knudsen skiftur inn, og fimm minuttir var tað hann, sum fyri púra opnum máli og úr stuttari fjarstøðu stýrdi bóltin í málið. Tað var eftir innlegg úr vinstru frá stórabeiggjanum Peturi Knudsen.
Undan tveimum teimum síðstu umførunum er NSÍ seks stig frammanfyri KÍ, sum er einasti avbjóðarin í kappingini um FM heitið.
07 Vestur vísti fínan hugburð. Undan steðginum var NSÍ greitt omaná, tá ið heimaliðið hevði fríska lotið undan, men eftir steðgin 07 Vestur væl betri við. 07 Vestur er framvegis undir niðurflytingarstrikuni, og talan verður av sonnum um finalur fyri at sleppa undan at flyta niður, tá ið 07 Vestur í tveimum teimum seinastu umførunum fer at spæla á heimavølli ímóti B68 og á útivølli ímóti AB.
Í tveimum teimum seinastu umførunum fer NSÍ at spæla ímóti HB á heimavølli og B68 á útivølli. Eitt stig í hesum báðum dystunum er nóg mikið at vinna FM fyri fyrstu ferð síðani 2007, tá ið NSÍ vann FM fyri fyrstu og higartil einastu ferð.
