Mattias Hellisdal var á vøllinum fyri Västerås í 78 minuttir, og Áki D. Samuelsen leikti allan seinna hálvleik fyri Mjällby, tá føroyingaliðini hittust í Allsvenskuni í dysti í Hitachi Energy Arena leikvøllinum í Västerås. Tíverri slapp Martin Agnarsson ikki á vøllin fyri Mjällby á hesum sinni.
Västerås vann dystin 1-0 við einum góðum sigursmáli Taonsa Axel skoraði í 20. minutti.
Västerås er nummar seks í deildini við 38 stigum. Mjällby er enn í niðurflytingarvanda. Teir eru eru fimtaftast í deildini við 23 stigum. Teir eru fimm stig frammanfyri Örgryte, ið er næstaftast í deildini við 18 stigum.
Komandi fríggjakvøld klokkan 18 hevur Västerås dyst á heimavølli móti Halmstad.
Hósdagin klokkan 17.45 spælir Mjällby dyst á útivølli móti georgiska liðnum, Iberia í deildarspælinum í Conference League.
