Í nátt vistu útlendskir miðlar at siga, at eldur var í einari oljugoymslu í russisku Rostov-regiónini.

Tað upplýsti guvernørurin í økinum, Vasilij Golubev, á sosiala miðlinum, Telegram.

Sagt verður, at eldurin í goymsluni stóðst av einum dronuálopi í nátt.

Guvernørurin sigur, at sambært fyribils upplýsingum er eingin deyður ella særdur í álopinum.

Oljugoymslan liggur í býnum, Azov innast í Azov-havinum.

Hetta er umleið 150 kilometrar eystur úr ukrainska býnum, Mariupol, sum russar tíðliga í krígnum nærmast løgdu í oyði.