Wales boðar í kvøld frá, at Ryan Giggs gevast sum landsliðsvenjari. Hann bleiv settur úr 2018, men hevur verið fráverandi síðani november 2020, tá hann bleiv ákærdur fyri harðskapi móti tveimum kvinnum. Onnur var fyrrverandi unnusta hjá honum.

Wales hevur annars vunnið seg til HM-endaspælið í Katar, sum verður í vetur. Undir leiðslu av Rob Page vann Wales alt ella einki dystin móti Ukreina. Rættarmálið móti Ryan Giggs byrjar nú, og tí hevur hann valt at siga sessin frá sær.

- Eftir at hava hugsa meg væl um, havi eg valt at siga landsliðsvenjarasessin frá mær. Tað hevur verið ein heiður at verða venjari hjá mínum landi, men tað er upp á sítt pláss, at fótbóltssambandið, venjaratoymið og spælararnir sleppa at hugsavna seg um HM, heldur enn gitingar um landsliðsvenjaran, sigur Ryan Giggs.

Ryn Giggs er fyrrverandi stórspælari hjá Manchester United, har hann var við øll tey góðu árini undir Alex Ferguson. Hann bleiv í 2009 valdur til ársins spælara í Premier League, og ársins ítróttarfólk í Bretlandi, men lívið uttanfyri vøllin hevur verið nakað rokaligt, tá tað kemur til konufólk.