Føroyska U19-landsliðið er í hesum døgum í Serbia fyri at spæla tríggjar EM-undankappingardystir í Ligu B.

Fyri løtuna síðani var dysturin móti vertstjóðini liðugur.

Í steðginum stóð sera væl til hjá føroyska liðnum. Í yvirtíðini í fyrra hálvleiki megnaði Dávid Reynheim at skjóta Føroyar framum 1-0.

Í seinna hálvleiki gekk illa í hond. Tá níggju minuttir vóru leiktir av seinna hálvleiki javnaði Serbia til 1-1. Bert fýra minuttir seinni fekk føroyski málskjúttin, Dávid Reynheim reyða kortið, og so var mótbrekkan brøtt hjá føroyska liðnum. Tríggjar minuttir seinni var Serbia á sigurskós, og tá klokkan vísti 76 minuttir var støðan 4-1 til Serbia, ið gjørdist úrslitið av dystinum.

Føroyska liðið fær tó høvið at reisa seg aftur. Leygarmorgunin klokkan 10 spælir liðið annan dystin í undankappingini, ið verður móti Montenegro.

Montenegro vann í dag 7-2 á Aserbadjan. Í steðginum var Montenegro á odda 6-1.

Komandi týsdag klokkan 15 spæla Føroyar triðja og seinasta dystin í undankappingini, ið verður móti Aserbadjan.

Fyrstu 11 móti Serbia:

Tróndur Sjúrðarson

Silas Joensen

Dennis Anghel

Rasmus Helgason

Jógvan í Lon

Rósing Toyt

Sigurd Ulriksen

Djóni Sivertsen

Jógvan í Skála

Dávid Reynheim

Markus Klein Danielsen

Eyka:

Nóa Klein Joensen

Eyðtór Joensen

Jóel Tróndargjógv

Jákup Kristiansson Poulsen

John Ziska Joensen

Dánial Mørkøre

Ezra Lukama

Kelda: FSF