Liðið hjá Jóhan á Plógv Hansen, Skanderborg-Aarhus hevði eina greiða favorittstøðu undan fjórðingsfinaluni í donsku steypakappingini móti liðnum hjá Magnusi Árasyni, Mors-Thy.
Men tað gjørdist útiliðið, Mors-Thy sum vann fjórðingsfinaluna í Djurslands Bank Arena frammanfyri 2.347 áskoðarum.
Dysturin endaði 33-32 til Mors-Thy. Anton Houe skoraði sigursmálið, tá klokkan í høllini vísti 59:59. Og so kundu Magnus og liðfelagarnir stórfegnast um at hava vunnið seg í FINAL FOUR í steypakappingini.
Í steðginum var Skanderborg-Aarhus á odda 17-16.
Jóhan skoraði trý mál upp á fýra málroyndir.
FINAL FOUR verður leikt í Boxen høllini í Herning, vikuskiftið 14. og 15. februar.
