Tríggir dystir vóru leiktir í SMS-deildini í kvøld.
Í Vestmanna vunnu verandi meistararnir H71 stórsigur 35-25 á VÍF. Í steðginum var H71 á odda 17-13.
Stjørnan vann sannførandi 32-26 á StÍF í høllini á Skála. Avrikið hjá Stjørnuni í fyrra hálvleiki var framúr. Í steðginum vóru klaksvíkskvinnur á odda 20-11.
Í Havn vann Neistin ein knúsandi 29-11 stórsigur á VB. VB skoraði bara trý mál í fyrra hálvleiki. Í steðginum var Neistin á odda 17-3.
