Í Iran eru tríggir menn avrættaðir, eftir at teir eru dømdir fyri at framt átøk fyri Ísrael og USA, samstundis sum teir luttóku i mótmælisgongum í januar.
Avrættingarnar eru framdar í morgun, lokala tíð í Iran, vita almennir miðlar í Iran at siga í morgun.
Seinastu mánaðirnar hava myndugleikarnir í Iran framt eina røð av avrættingum av fólki, sum luttóku í mótmælistiltøkum í januar móti stýrinum í Iran.
Iranskir miðlar skriva, at teir tríggir, sum vórðu avrættaðir í morgun, vóru ákærdir fyri eitt nú at hava brúkt skotvápn, hondgranatir og ymiskt annað.
Teir vóru eisini ákærdir fyri at hava sett eld á almennar bygningar og fyri at hava gjørt skaða á eina transformatostøð í býnum, Karaj.
