Seinastu vikurnar eru tilsamans 13 fólk álopin og dripin av bjarnum í Russlandi.
Tað veit almenna russiska tíðindastovan, RIA, at siga.
Hetta merkir sambært tíðindastovuni, at talið av dripnum higartil í ár er komið upp á 35.
Í byrjanini av oktober var talið bert 22.
Sagt verður, at tey í Russlandi hava roynt at havt eftirlit við bjarnastovninum í fleiri regiónum í landinum.
- Seinasta offrið var ein trygdarvørður við eina frítíðarlegu á Kamtsjatka-hálvoynni í landnyrðinspartinum av Russlandi, skrivar RIA.
Í greinastubbanum, sum eitt nú norskir miðlar endurgeva, verður einki sagt um, hví russiska bjørnin er vorðin meira aggressiv.
