Sunnudagin 15. november verða tvær barnakonsertir við Vampýrellu á skránni. Fyrra konsertin verður í Mentanarhúsinum í Fuglafirði klokkan 14.00, og tann seinna verður í Varpinum í Klaksvík klokkan 16.30.

Jákup Dahl sigur søguna, Aldubáran spælir tónleikin, sum Páll Sólstein hevur skrivað, og myndirnar, ið Edward Fuglø hevur gjørt til bókina, verða vístar undir framførsluni.

Søgan snýr seg um Ellu, sum er um at gerast tannáringur. Beiggjarnir Karl og Knút undrast á, hvussu nógv systirin broytist. So nógv, at teir fara at ivast í, um hon er ein vampýrur.

Vampýrella er triðja verkætlanin hjá Aldubáruni í samstarvi við Edward Fuglø og Páll Sólstein. Tey hava áður samstarvað um Janus er ein stjørna og Poetikus.

Atgongumerki fáast á atgongumerki.fo.