Á Sandi er stór útstykking í gongd, sum ætlandi verður liðug seinni í ár.
Her verða eini 34 nýggj grundstykki, sum øll verða planerað og gjørd klár at byggja á.
Men, í Sands kommunu arbeiða tey eisini við einari størri verkætlan, sum er ein nýggjur barnagarður.
Tað er her, at borgarstjórin, Heri Sverrason, brúkar orðini "Eitt risafet inn í framtíðina".
Í gjár varð sáttmáli undirskrivaðu millum Sands kommunu og entreprenørfyritøkuna, J&K Petersen.
Tað eru J&K, sum eisini gera stóra lendið byggibúgvið til tey nýggju grundstykkini á Skarðsbøi.
- J&K Petersen skulu nú planera grundstykkið, har nýggi barnagarðurin skal byggjast.
Borgarstjórin, Heri Sverrason, sigur, at arbeiðið at planera fyri barnagarðinum byrjar í hesi vikuni.
##med2##