Níggju fólk lótu lív í druknivanlukkum í Noregi í september, og higartil í ár eru tilsamans 66 fólk druknaði í Noregi. Um vanlukkurnar í september verður sagt, at fimm høvdu tilknýti til fisking.
Hetta vísa hagtøl hjá norska Redningsselskapet.
Í september lótu fýra kekkisk ferðafólk lív í Noregi.
Tað vóru fýra menn, sum høvdu leigað sær ein bát til frítíðarfisking. Báturin var funnin koppaður, og bert líkið av tí eina manninum er funnið aftur.
Teir fýra, sum lótu lív, vóru menn í 50 og 60-árunum, og norskir miðlar vita at siga, at teir vóru partur av einum kekkiskum ferðalag, sum tilsamans taldi átta.
Redningsselskapet veit eisini at siga, at seks av teimum nýggju fólkunum, sum druknaðu í Noregi í september, vóru útlendsk ferðafólk.
Meira um hetta kann lesast í www.kystmagasinet.no
