- Karamellugøtan, sum hon verður rópt, verður nú grivin upp, og nýtt lag og asfalt verður lagt á.

Í Vestmanna kommunu siga tey, at nógv gongufólk brúka gøtuna, sum er millum Toftaveg og Hallarveg og serliga, nú allir skúlaflokkar húsast í nýggja skúla.

- Arbeiðið við Karamellugøtuni er farið í gongd, rekkverkið er málað, og maskina er byrjað at taka gamla tilfarið upp.

Lagt verður aftrat, at hesa vikuna og inn í næstu viku verður tí eingin gjøgnumgongd eftir gøtuni.

- Heitt verður á børn og gongufólk annars um at brúka gøtuna fram við Gjógvará ella við Geilina, siga tey í Vestmanna kommunu í dag.