Mótstøðumaður Netanyahus fær fyrsta møguleikan

Frá Til Raða eftir

Ongi úrslit

Gadi Eisenkot, fyrrverandi ísraelskur herleiðari og formaður í Yashar-flokkinum, fer av valstaðnum í Herzliya, eftir at hann hevur atkvøtt á tjóðartingsvalinum 27. oktober.

Mótstøðumaður Netanyahus fær fyrsta møguleikan Mótstøðumaður Netanyahus fær fyrsta møguleikan

Ísraelski forsetin hevur valt Gadi Eisenkot at royna at skipa nýggja stjórn. Men óvist er, um fyrrverandi herovastin megnar at savna ein meiriluta.

Eirikur Lindenskov

8. november 2026 kl. 10:16

Gadi Eisenkot fær fyrsta møguleikan at skipa nýggja stjórn í Ísrael eftir tjóðartingsvalið 27. oktober.

Tað boðaði ísraelski forsetin, Isaac Herzog, frá í gjárkvøldið. Sambært forsetaskrivstovuni skal Eisenkot formliga fáa uppgávuna í dag.

Eisenkot fekk tilmæli frá 67 av teimum 120 tinglimunum í ísraelska tjóðartinginum, Knesset. Benjamin Netanyahu, forsætisráðharri, fekk tilmæli frá 46 tinglimum, meðan sjey ikki mæltu til nakran.

Tá Eisenkot hevur fingið uppgávuna, hevur hann 28 dagar at skipa stjórn. Forsetin kann leingja freistina við upp í 14 døgum afturat.

Hóast undirtøkuna er langt á mál hjá fyrrverandi herovastanum. Sambært Reuters hevur floksbólkur hansara ikki meiriluta einsamallur, og Eisenkot hevur higartil avvíst at skipa stjórn saman við arabisku flokkunum, sum annars kunnu tryggja honum meirilutan.

Netanyahu heldur fram sum forsætisráðharri, meðan samráðingarnar um eina nýggja stjórn fara fram.