Viborg FF hevur í dag vunnið seg víðari til 4. umfar í donsku steypakappingini. Samstundis fekk føroyski Martin Agnarsson sínar fyrstu minuttir á Superliga-liðnum, eftir skiftið frá B36 í summar.

Viborg FF var á vitjan hjá Ishøj IF í Keypmannahavn í dag. Gestirnir spæla í Superliguni og vóru stórfavorittar móti Ishøj IF, sum spælir í fjórðbestu deildini í Danmark.

Tí kom tað óvart á, at vertirnir løgdu seg á odda í fyrra hálvleiki. Eftir nakað av hørðum stríðið kom Viborg upp á 1-1 eitt korter fyri tíð. Tað var ikki nokk til at vinna dystin. Í longdu leiktíðini kom Ishøj aftur á odda.

Nú valdi venjarin at seta Martin Agnarsson á vøllin, tá 105 minuttir vóru spældir. Tað skuldi vísa seg, at verða ein góð avgerð, tí í 116. minutti javnaði Viborg. Fýra minuttir seinni avgjørdi Clint Leemans við máli til 3-2 til Viborg, sum er víðari.

Ishøj IF-Viborg FF 2-3

1-0 Christian Offenberg (16.)

1-1 Mads Lauritsen (76.)

2-1 Daniel Stückler (92.)

2-2 Alassana Jatta (116.)

2-3 Clint Leemans (120.)

Uppstilling:

Mikkel Andersen - Daniel Anyembe, Mads Lauritsen, Zan Zalatel, Oliver Bundgaard - Jakob Bonde, Mads Søndergaard, Jan Zamburek - Nils Mortimer, Alassana Jatta, Elias Achouri

Innskiftingarnar:

Ibrahim Said fyri Nils Mortimer (46.)

Clint Leemans fyri Jakob Bonde (61.)

Jonas Thorsen fyri Daniel Anyembe (61.)

Sofus Berger fyri Elias Achouri (69.)

Nicolas Bürgy fyri Mads Laurtisen (93.)

Martin Agnarsson fyri Oliver Bundgaard (106.)