Fyri løtu síðani bleiv staðfest, at føroyska U18-kvinnulandsliðið í dysti í HM-endaspælinum í Norðurmakedonia vann 27-22 á India. Í steðginum vóru Føroyar á odda 14-9. India var betur við í seinna hálvleiki, men tað eydnaðist føroyska liðnum at halda frástøðuna.
Í niðara millumspælinum í bólki 2 hava Føroyar fýra stig, Kasakstan hevur tvey stig, meðan Eysturríki og India einki stig hava. Klokkan 15.30 spæla Eysturríki og Kasakstan.
Føroyar spæla móti Kasakstan fríggjadagin klokkan 9.30. Um Føroyar enda ovast í bólkinum skulu okkara kvinnur spæla um plássini millum nummar 17 og 20.
Føroyar-India 27-22 (14-9)
Føroyar: Anna Elisabeth H. Weyhe 7. Bjørk Franksdóttir Joensen 5, Maria P. Nólsoy 4, Inga Maria Roysdóttir 2, Karin Egholm 2, Barbara Hammer 2, Lea Mohr 2, Lukka Arge 1, Sára S. Mikkelsen 1, Hanna J. Dalsgarð 1.
