Í dag hava tríggir døglingar lagt beinini í Hvalba. Teir vórðu sæddir heilt undir landi uttan fyri kirkjugarðn, har teir fóru svimjandi fram við sjóvarmálanum út ímóti Nesi. Men stutt uttan fyri kirkjugarðin svumu teir seg upp á land. So vórðu boð send eftir grindaformonnunum, og teir tóku so lívið av teimum.
Døglingarnir verða nú skornir upp, og sum altíð verða teir býttir ímillum fólkið í Hvalba og í Sandvík. Tvøstið er gott, men spikið kann ikki brúkast til matna.
