- Kristin Michelsen, tingmaður, boðaði í januar 2018 alment frá, at hann ikki kennir seg bundnan til at atkvøða saman við Javnaðarflokkinum, men tekur persónliga støðu frá máli til mál. Henda støða ikki er haldgóð. Tað skrivar Javnaðarflokkurin í tíðindaskrivi júst nú. - Harumframt hevur Kristin Michelsen eitt arbeiðslag, ið eg sum formaður í Javnaðarflokkinum ikki kann góðtaka. Tískil skal eg við hesum boða frá, at tingbólkurin hevur tikið ta støðu, at Kristin Michelsen ikki longur er partur av tingbólki floksins í Løgtinginum, skrivar Aksel V. Johannesen, formaður, í tíðindaskrivi. - Hartil hevur starvsnevndin hjá Javnaðarflokkinum tikið ta støðu, at Kristin Michelsen ikki verður á listanum hjá Javnaðarflokkinum til komandi løgtingsval, skrivar Aksel V. Johannesen.